एकै दिन ३७ सय रुपैयाँले घट्यो सुन

काठमाडौं । साताको दोस्रो कारोबार दिन आज सुनको मूल्यमा ३७ सय रुपैयाँले घटेको छ ।

विज्ञापन

नेपाल सुनचाँदी व्यवसायी महासंघका अनुसार सोमबार स्थानीय बजारमा सुनको मूल्य प्रतितोला १ लाख ८६ हजार ८ सय रुपैयाँ कायम भएको छ । यसअघि आइतबार सुनको मूल्य प्रतितोला ३सय रुपैयाँले घटेर १ लाख ९० हजार ५ सय रुपैयाँमा कारोबार भएको थियो ।

यस्तै, सोमबार चाँदीको मूल्य पनि घटेको छ । आज चाँदी प्रतितोला १० रुपैयाँले घटेर १ हजार ९६० रुपैयाँ कायम भएको महासंघले जनाएको छ ।