कर्पोरेट समाचार 
काठमाडौं। काठमाडौं महानगरपालिकाले खानेपानी आपूर्तिकर्तासँगको सम्झौता खारेज गरेको छ । महानगरपालिकामा पिउने पानी आपूर्ति गर्दै आएको सी.एन.इन्टरप्राइजेजलाई कृषि तथा पशुपन्छी विभागले पत्र पठाउँदै प्रमुख प्रशासकीय अधिकृत स्तरीय निर्णयबाट पिउने पानी सप्लाइ गर्ने सम्झौता रद्द गरिएको जनाएको छ ।
महानगरले प्रयोग गर्दै आएको खानेपानीको प्राविधिक परीक्षण गराउँदा कोलिफर्म भेटिएको भन्दै सी.एन सँगको सम्झौता रद्द गरेको बताइएको छ । पत्रमा भनिएको छ, ‘यस कार्यालयमा सप्लाइ भइ आएको पिउने पानीको प्राविधिक परीक्षण गर्दा कोलिफर्म भेटियो । काठमाडौं महानगरपालिका बजार व्यवस्थापन तथा अनुगमन ऐन २०७७ को दफा १९ आकर्षित भइ दफा ३० बमोजिम २ लाख रुपैयाँ जरिवाना तोकिएको छ ।’
सोमबार विभागले आपूर्तिकर्तालाई उक्त पत्र पठाएको हो । महानगरले पानी आपूर्तिकर्ता इन्टरप्राइजेजसँग २०८१ वैशाख २ गते सम्झौता गरेर सेवा लिँदै आएको थियो ।
प्रतिक्रिया दिनुहोस्