काठमाडौं । तीन कारोबार दिन लगातार घटेर बिहीबार स्थिर रहेको सुनको भाउ आज प्रतितोला २७ सय रुपैयाँले बढेको छ ।
स्थानीय बजारमा बिहीबार प्रतितोला २ लाख ३६ हजार ३ सय रुपैयाँ कायम भएको सुन साताको अन्तिम कारोबार दिन आज २ हजार सात सय रुपैयाँले बढेर प्रतितोला दुई लाख ३९ हजार रुपैयाँ पुगेको छ ।
त्यस्तै आज चाँदीको मूल्य समेत प्रतितोला ८० रुपैयाँले बढेको छ । नेपाल सुनचाँदी व्यवसायी महासंघका अनुसार आज चाँदीको भाउ प्रतितोला तीन हजार ६० रुपैयाँ कायम भएको छ ।
अघिल्लो कारोबार दिन सोही परिमाणको चाँदी २ हजार ९८० रुपैयाँमा किनबेच भएको थियो ।
प्रतिक्रिया दिनुहोस्