काठमाडौं । नेशनल लाईफ इन्स्योरेन्स कम्पनीले सरकारद्वारा पुनः निर्माणका लागि स्थापना गरिएको ‘भौतिक पूर्वाधार पुनर्निर्माण कोष’ मा एक करोड रुपैयाँ सहयोग गरेको छ।
गत भदौ २३ र २४ गते देशभर भएका जेनजी प्रदर्शन तथा आन्दोलनका क्रममा सार्वजनिक तथा सरकारी भौतिक संरचनामा आगजनी र तोडफोडबाट ठूलो क्षति पुगेको थियो । जसबाट प्रभावित भौतिक संरचनाको पुनर्निर्माण, राहत तथा आर्थिक पुनरुत्थानका कार्यलाई सहयोग पुर्याउने उद्देश्यले कम्पनीले संस्थागत सामाजिक उत्तरदायित्व अन्तर्गत एक करोड रुपैयाँ आर्थिक सहयोग गरेको हो ।
उक्त रकम बराबरको चेक कम्पनीको प्रमुख कार्यकारी अधिकृत सुरेश प्रसाद खत्री र नायब महाप्रबन्धक प्रज्वल सायमीले मंगलबार अर्थमन्त्री रामेश्वर प्रसाद खनाललाई मन्त्रालयमै पुगेर हस्तान्तरण गरे । कम्पनीका प्रमुख कार्यकारी अधिकृत खत्रीले उक्त अवसरमा कम्पनीले विगतमा शिक्षा, स्वास्थ्य, दैवी प्रकोप व्यवस्थापन तथा वातावरण संरक्षणलगायत क्षेत्रमा समेत आर्थिक सहयोग उपलब्ध गर्दै आएको उल्लेृख गरे । यस्तै उनले भविष्यमा पनि यस प्रकारको सहयोग उपलब्ध गराउने प्रतिवद्धता समेत व्यक्त गरे ।
कम्पनीले यस प्रयोजनको लागि नियामक निकायवाट जारी निर्देशन अनुसार प्रत्येक आर्थिक वर्षको खुद मुनाफाको एक प्रतिशत रकम छुट्याई संस्थागत सामाजिक उत्तरदायित्व कोषमा जम्मा गर्दै आएको जनाएको छ ।
प्रतिक्रिया दिनुहोस्