चाँदीको मोल बढ्दा सुनको भाउ चार सय रुपैयाँले घट्यो

काठमाडौं । नेपाली बजारमा आज सुनको भाउ चार सय रुपैयाँले घटेको छ। नेपाल सुनचाँदी व्यवसायी महासङ्घका अनुसार अघिल्लो कारोबार दिनको तुलनामा आज छापावाल सुनको मुल्य तोलाको ४ सयले घटेर २ लाख ४८ हजार ४ सय रुपैयाँ कायम भएको छ ।

विज्ञापन

यसअघि बुधबार सोही परिमाणको सुन २ लाख ४८ हजार ८ सय रुपैयाँमा किनबेच भएको थियो।  यस्तै, आज चाँदीको मूल्य अघिल्लो  कारोबार दिनको तुलनामा ६० रुपैयाँले बढेको छ।

महासङ्घका अनुसार आज चाँदी प्रतितोला ३२ सय ८० रुपैयाँमा कारोबार भइरहेको छ। बुधबार चाँदी तोलाको ३२ सय २० मा खरिदबिक्री भएको थियो।