काठमाडौं । सानिमा बैंकले ‘नेपाल पे कार्ड’को प्रमुख सदस्यता प्राप्त गरेको छ। सानिमा बैंक र नेपाल क्लियरिङ्ग हाउस लिमिटेड (एनसीएचएल) बीच ‘नेपाल पे कार्ड’ को नेटवर्कका लागि सदस्यता सम्झौता भएको हो ।
‘नेपाल पे’ कार्ड नेटवर्क तथा राष्ट्रिय कार्ड स्विच (एनपीएस–नेशनल कार्ड स्विच) अन्तर्गत प्रमुख सदस्यताका लागि भएको सम्झौतामा सानिमा बैंकका तर्फबाट प्रमुख निक्षेप अधिकृत हेम राज सञ्ज्याल र नेपाल क्लियरिङ्ग हाउसका तर्फबाट प्रमुख कार्यकारी अधिकृत नीलेशमान सिंह प्रधानले हस्ताक्षर गरेका हुन् ।
एनपीएस–नेशनल कार्ड स्विचलाई स्वदेशी कार्ड कारोबारको रुटिङ तथा सेटलमेन्ट सुनिश्चित गर्ने केन्द्रीय भुक्तानी पूर्वाधारका रूपमा स्थापना गरिने जनाइएको छ। यो सहकार्यले नेपालको डिजिटल भुक्तानी प्रणालीलाई थप सुदृढ बनाउने र स्वदेशी कार्डमार्फत हुने कारोबारलाई सहज बनाउने विश्वास बैंकले लिएको छ।
हाल सानिमा बैंकले देशका सातै प्रदेशमा १३४ वटा कार्यालयहरू तथा १२७ वटा ए.टि.एम मार्फत आफ्ना ग्राहकहरूलाई आधुनिक बैंकिङ्ग सेवा प्रदान गर्दै आइरहेको छ ।
प्रतिक्रिया दिनुहोस्