कर्पोरेट समाचार 
काठमाडाैं । नेपाल बैंकर्स संघका अध्यक्ष सन्तोष कोइरालाले नेपाल नगदरहित कारोबारमा उन्मुख भइरहेको बताएका छन् । सोमबार ‘ग्लोबल मनी वीक’ कार्यक्रममा बोल्दै अध्यक्ष कोइरालाले यस्तो बताएका हुन् ।
कार्यक्रममा बोल्दै उनले अगाडी भने, ‘विदेशमा बसको टिकटसम्म अनलाइनबाट हुने गरेको छ । भविष्यमा नेपाल पनि क्यासलेस इन्भाइरोमेन्टमा जानेछ । कुनै कुनै देशका नगद नै चल्दैन । त्यस्तै दिशामा नेपाल पनि अगाडी बढिरहेको छ ।’
त्यस्तै, ओटिपि कसैलाई पनि नदिने र कसैले चिट्ठा पर्यो भनेर लोभ देखाउँदैमा लोभियो भने आफ्नो खाताको पैसा चोरी हुने जोखिम हुने उनले सुझाव छ ।
‘आफ्नो ओटिपि कसैलाई दिनु हुँदैन । यदि कसैले पुरस्कार दिन्छु अथवा चिट्ठा पर्यो भनेर खाता नम्बर वा पीन नम्बर माग्यो भने त्यस्तो लोभमा पर्नु हुँदैन । यस्तो कार्य ठिक होइन’,अध्यक्ष कोइरालाले भने ।
एक मिनेटमा एउटा बैंकबाट तेस्रो बैंकसम्म पैसा ट्रान्सफर गरेर चोरी भएको घटना रहेको उनले जानकारी दिए ।
‘स्मार्ट फोनबाटै सबै कारोबार गर्दैगर्दा जोखिम पनि उति नै छ । डिजिटल युगमा जति सजिलो छ त्यति नै जोखिम पनि बढिरहेको छ । एक पटक ह्याक भएर खाताको पैसा चोरी भयो भने त्यो फर्काउन सजिलो छैन । त्यसैले अगाडी नै सचेत हुनुपर्छ’, उनले भने । मोबाइल बैंकिङबाटै ऋण दिने सुविधा नेपालमा रहेको उनले बताए ।
प्रतिक्रिया दिनुहोस्