काठमाडौं । प्रभु बैंक लिमिटेडले विश्वव्यापी रूपमा मनाइने ‘ग्लोबल मनी विक–२०२६’ का अवसरमा साताव्यापी वित्तीय साक्षरता कार्यक्रम सम्पन्न गरेको छ ।
चैत्र २ गतेदेखि सुरु भएको यो अभियानको आज अन्तिम दिन हो । संस्थागत सामाजिक उत्तरदायित्व अन्तर्गत सञ्चालित यस कार्यक्रममार्फत बैंकले देशका सातै प्रदेशमा वित्तीय चेतना फैलाउने कार्य गरेको जनाएको छ ।
बैंकले आफ्ना २०० भन्दा बढी शाखाहरू मार्फत विद्यालय, कलेज, महिला समूह तथा विभिन्न स्थानीय समुदायलाई लक्षित गरी २१६ भन्दा बढी स्थानमा चेतनामूलक कार्यक्रम र प्रभातफेरी आयोजना गरेको जनाएको छ। कार्यक्रममा आधुनिक बैंकिङ्ग प्रणाली, बचत गर्ने बानी, ऋणको सही सदुपयोग, लगानीका क्षेत्र र डिजिटल बैंकिङ्गका बारेमा विस्तृत जानकारी गराइएको थियो ।
बैंकले वित्तीय साक्षरतासँगै पछिल्लो समय बढ्दै गएको डिजिटल ठगी प्रति पनि सर्वसाधारणलाई सचेत गराएको छ । बैंकले सार्वजनिक गरेको विवरण अनुसार सातै प्रदेशका २१६ शाखाहरु यस अभियानमा विभिन्न कार्यक्रम अयोजना गरिएको छ ।
बैंकले यस्ता साक्षरता कार्यक्रमले आम नागरिकमा वित्तीय पहुँच र अनुशासन वृद्धि गर्ने विश्वास लिएको जनाएको छ ।
प्रतिक्रिया दिनुहोस्