काठमाडौं । घरायसी विद्युतीय उपकरणका लागि स्थापित ब्रान्ड वेबोरले नेपाली उपभोक्ताहरूको बदलिँदो जीवनशैली र आवश्यकतालाई मध्यनजर गर्दै नयाँ प्रविधियुक्त ‘डबल डोर’ रेफ्रिजेरेटरहरूको विस्तृत शृङ्खला सार्वजनिक गरेको छ।
कम्पनीले साना तथा मध्यम आकारका परिवारका लागि लक्षित गर्दै अत्याधुनिक सुविधायुक्त यी रेफ्रिजेरेटरहरू बजारमा ल्याएको जनाएको छ ।
मुख्य विशेषता र क्षमता
नेपाली बजारमा वेबोरले २६५ लिटर, ३२५ लिटर र ३६५ लिटर क्षमताका विभिन्न मोडलहरू उपलब्ध गराएको कम्पनीले जनाएको छ। यी रेफ्रिजेरेटरहरू आकर्षक डिजाइन र बलियो बनावटका साथ तयार पारिएका छन्।
प्रविधि र सुविधा
यस नयाँ शृङ्खलाका रेफ्रिजेरेटरहरूमा निम्नलिखित मुख्य प्राविधिक विशेषताहरू रहेका छन् :
इनभर्टर कम्प्रेसर: बिजुली खपत कम गर्ने र शान्त कार्यक्षमताका लागि यसमा अत्याधुनिक इनभर्टर कम्प्रेसर प्रयोग गरिएको छ। यसमा कम्पनीले १० वर्षको वारेन्टी समेत दिएको छ।
टोटल नो फ्रोस्ट : फ्रिजभित्र अनावश्यक हिउँ जम्न नदिने प्रविधिले गर्दा खानेकुरा लामो समयसम्म ताजा र स्वास्थ्यकर रहन्छ।
मल्टी एयर फ्लो र एन्टी–बी प्रविधिः फ्रिजको हरेक तहमा समान रूपमा चिसो हावा पुर्याउने र हानिकारक ब्याक्टेरियाहरूबाट खानालाई जोगाउने विशेष प्रणाली यसमा जडान गरिएको कम्पनीले भनाइ छ।
नेपाली भोल्टेज अनुकूल: नेपालको विद्युत उतारचढावलाई सहन सक्ने गरी यसमा बलियो ‘स्टेबलाइजर’ क्षमता राखिएको छ, जसले मेसिनको आयु लामो बनाउँछ।
उत्पादन सार्वजनिक गर्दै कम्पनीले भनेको छ, ‘हामीले नेपाली परिवारको माग र आधुनिक भान्छाको स्वरूपलाई बुझेर यी मोडलहरू ल्याएका हौँ। प्रविधि, गुणस्तर र सुन्दर डिजाइनको सम्मिश्रण नै वेबोरको पहिचान हो।’ वेबोरका यी नयाँ रेफ्रिजेरेटरहरू अहिले देशभरका प्रमुख इलेक्ट्रोनिक्स शोरुमहरूमा विशेष वारेन्टी र भरपर्दो बिक्रीपछिको सेवाका साथ उपलब्ध रहेको कम्पनीको भनाइ छ ।
प्रतिक्रिया दिनुहोस्