काठमाडाैं । एशियन लाईफ इन्स्योरेन्स कम्पनी लिमिटेडले आफ्नो स्थापनाको १८ औं वर्ष पुरा गरी उन्नाइसौं वर्षमा प्रवेश गरेको छ ।
कम्पनीले २०६४ चैत्र २१ गतेबाट कारोवार प्रारम्भ गरेको हो । उन्नाइसौं वर्ष प्रवेशको उपलक्ष्यमा २०८२ चैत्र २० गतेदेखि सप्ताहव्यापीरुपमा देशभर संस्थागत सामाजिक उत्तरदायीत्व अन्तर्गत विविध कार्यक्रमहरु आयोजना भइरहेको छ ।
वार्षिकोत्सवको अवसरमा रक्तदान जीवन दान भन्ने नारालाई आत्मसाथ गर्दै कम्पनीले चैत १२ र १३ गते मैतीदेवीस्थित प्रधान कार्यालय परिसरमा आयोजना गरेको थियो । उक्त रक्तदान कार्यक्रममा ६० जनाले रक्तदान गरेका थिए ।
यसैगरी किष्ट मेडिकल कलेज तथा टिचिङ अस्पतालसँगको सहकार्यमा आयोजित निःशुल्क दन्त शिविरबाट ६६ जना लाभान्वित भएका छन् ।
साथै देशभरका विभिन्न १०२ वटा शाखा, उपशाखा कार्यालयहरुमार्फत् वृद्धाआश्रम, सामुदायीक विद्यालय, अनाथालय तथा सामाजिक संघ संस्थाहरुलाई शैक्षिक सामाग्री, खाद्यान्न तथा फर्निचर लगायत सामाग्री वितरण गरिएको छ ।
वार्षिकोत्सवको अवसरमा प्रधान कार्यालयमा मिति २०८२ चैत १२ र २० गते आयोजित शुभकामना आदान प्रदान कार्यक्रममा कम्पनीको संचालक समिति अध्यक्ष दिपक कुमार श्रेष्ठले एशियन लाईफ इन्स्योरेन्सको व्यवसायीक यात्रामा सत्र वर्षदेखि निरन्तर सहयोग पुऱ्याउँदै आएको बताए । उनले जीवन उत्कृष्ट बीमा सेवा प्रवाह गर्दै बीमित र शेयरधनीलाई उच्च प्रतिफल प्रदान गर्नका लागी कम्पनी प्रतिवद्ध रहेको व्यक्त गरे ।
सो अवसरमा कम्पनीको सञ्चालक समिति सदस्य, प्रमुख कार्यकारी अधिकृत, उच्च व्यवस्थापन तथा प्रधान कार्यालयका कर्मचारीहरुको सहभागिता रहेको थियो ।
यस कम्पनीको चालू आ।व २०८२÷८३ को फागुनसम्ममा जीवन बीमाकोष ५० अर्व ८५ लाख, कूल लगानी ५० अर्ब ४५ करोड रहेको छ । यसैगरी, कम्पनीले फागुन मसान्तसम्ममा कूल बीमाशुल्क रु। ६७ अर्ब ९६ करोड रुपैयाँ संकलन गरेको छ ।
पौष मसान्तसम्ममा यस कम्पनीको सकृय बीमालेख संख्या ७ लाख ५३ हजार रहेको छ। चालू आ।व मा फागुन मसान्तसम्ममा कूल बीमाशुल्क रु। ६ अर्ब ५२ करोड आर्जन गरेको छ।
अधिकृत पूँजी रु ६ अर्ब रहेको यस कम्पनीको चुक्ता पूँजी ५ अर्व २५ करोड १२ लाख ९५प्रतिशत बोनश शेयर सूचीकृत पश्चात् कायम हुने० रहेको कम्पनीले जनाएको छ ।
प्रतिक्रिया दिनुहोस्