काठमाडौं । शाओमीले काठमाडौंको न्युरोडस्थित ताम्राकार हाउसको छैटौं तलामा नयाँ आधिकारिक सर्भिस सेन्टर सञ्चालनमा ल्याएको छ।
नयाँ सर्भिस सेन्टरमार्फत शाओमीका स्मार्टफोन, स्मार्टवाच, फिटनेस ब्यान्ड, इयरफोन तथा अन्य आइओटी उपकरणहरूको मर्मत, सेवा र प्राविधिक सहयोग उपलब्ध गराइने कम्पनीले जनाएको छ।
सर्भिस सेन्टरमा जेनुइन स्पेयर पार्ट्स उपलब्ध हुने तथा दक्ष प्राविधिकमार्फत गुणस्तरीय र भरपर्दो सेवा प्रदान गरिने बताइएको छ।
शारदा ग्रुपअन्तर्गतको वत्सल इम्पेक्स प्रालिले सञ्चालन गर्ने उक्त सेन्टरले शाओमी प्रयोगकर्तालाई छिटो, सहज र आधिकारिक सेवा उपलब्ध गराउने उल्लेख छ।
प्रतिक्रिया दिनुहोस्