नेपाली बजारमा आज (आइतबार) सुन–चाँदीको मूल्य बढेको छ। अघिल्लो कारोबार दिन (शुक्रबार) घटेको सुनको भाउ पुनः उकालो लागेको हो।
शुक्रबार प्रतितोला ३ हजार रूपैयाँले घटेको सुन आज भने प्रतितोला एक हजार दुई सय रूपैयाँले बढेको छ। नेपाल सुनचाँदी व्यवसायी महासंघ का अनुसार हाल सुन प्रतितोला ३ लाख एक हजार रूपैयाँमा किनबेच भइरहेको छ। शुक्रबार भने सुन प्रतितोला दुई लाख ९९ हजार आठ सय रूपैयाँमा कारोबार भएको थियो।
त्यस्तै, चाँदीको मूल्य पनि बढेको छ। शुक्रबार प्रतितोला पाँच हजार एक सय ३० रूपैयाँमा कारोबार भएको चाँदी आज बढेर पाँच हजार दुई सय २५ रूपैयाँ पुगेको छ। यो अघिल्लो दिनको तुलनामा प्रतितोला ९५ रूपैयाँले बढी हो।
अन्तर्राष्ट्रिय बजारमा सुनको मूल्य प्रतिऔंस चार हजार आठ सय ३२ अमेरिकी डलरमा कारोबार भइरहेको छ।
प्रतिक्रिया दिनुहोस्