काठमाडौं । थापाथलिस्थित नर्भिक अन्तर्राष्ट्रिय अस्पतालले बालरोग उपचार सेवालाई थप विस्तार र सुदृढ गर्दै पीआईसीयुसहितको पूर्ण बालरोग उपचार सेवा सञ्चालनमा ल्याएको छ ।
अस्पतालले नवजात शिशुदेखि किशोरावस्थासम्मका बालबालिकालाई सम्पूर्ण उपचार सेवा प्रदान गर्न बाल सघन उपचार कक्ष (पीआईसीयु)सहितको सेवा विस्तार गरेको हो ।
अस्पतालका प्रमुख कार्यकारी अधिकृत (सीईओ) अजयकुमार मिश्रले बालरोगको सम्पूर्ण उपचार सेवा एकै ठाउँबाट दिनेगरी नर्भिकले बाल सघन उपचार कक्ष सञ्चालनमा ल्याएको हो । विशेषज्ञ चिकित्सकसहितका जनशक्ति थप गरेर सेवा सञ्चालनमा ल्याइएको उनको भनाइ छ । ‘नर्भिकले दक्ष तथा विज्ञ चिकित्सकमार्फत आकस्मिक तथा ओपीडी, बाल सर्जरी सेवा, नवजात तथा बाल सघन उपचार कक्ष सहितको विशिष्टिकृत बाल उपचार सेवालाई विस्तार गरेको छ,’ सिईओ मिश्रले भने ।
बालबालिकासँग जोडिएका सबै प्रकारका उपचार सेवा नर्भिकबाटै उपलब्ध हुनेगरि बालरोग उपचार केन्द्रलाई विस्तार गरिएको सिईओ मिश्रले बताए । ‘हामीकहाँ नवजात शिशुहरुका लागि एनआईसीयु सहितको सेवा पहिलादेखि नै थियो । अब सबै उमेरका बालबालिकालाई सम्पूर्ण सेवा प्रदान गर्न अत्याधुनिक उपकरण र प्रविधि भएको पीआईसीयु सहितको सेवाहरु थप गरेका छौंं,’ सिईओ मिश्रले भने, ‘बालबालिकाको उपचारका लागि हामीसँग दक्ष र विज्ञ विशेषज्ञ र तालिमप्राप्त नर्सिङ जनशक्ति सहितको पूर्ण बालरोग सेवा उपलब्ध छ ।’
नर्भिक अस्पतालमा सामान्य बालरोग सेवादेखि विशेषज्ञ चिकित्सकमार्फत पेडियाट्रिक ग्यास्ट्रोएन्टेरोलोजी, पेडियाट्रिक ¥युम्याटोलोजी, पेडियाट्रिक पल्मनोलोजी, पेडियाट्रिक न्युरोलोजी, पेडियाट्रिक हेमाटोलोजी, क्रिटिकल केयर, पेडियाट्रिक अर्थोपेडिक तथा पेडियाट्रिक सर्जरी लगायतका विशिष्टिकृत सेवा सञ्चालनमा छ ।
यी सेवा प्रदान गर्न अस्पतालमा बालरोग विशेषज्ञ तथा बालरोग बहुविशेषज्ञ चिकित्सक सहितको १३ जना चिकित्सक रहेकोमा नवजात शिशु विशेषज्ञसहित ७ जना चिकित्सक पनि थप गरेको जनाएको छ ।
प्रतिक्रिया दिनुहोस्