कर्पोरेट समाचार 
काठमाडौं। नेपाल बैंक लिमिटेड र ललितपुरको ग्वार्कोस्थित बि एण्ड बि हस्पिटलबीच बैंकका ग्राहक तथा कर्मचारीलाई उपचार सेवामा विशेष छुट दिने सम्बन्धी सम्झौता भएको छ ।
बिहीबार आयोजित एक कार्यक्रममा दुई संस्थाबीच स्वास्थ्य सेवामा सहुलियत प्रदान गर्ने समझदारी पत्रमा हस्ताक्षर भएको हो । सम्झौता पत्रमा बैंकको तर्फबाट बजारीकरण तथा अनुसन्धान डिभिजन प्रमुख निर्मल सुवेदी र हस्पिटलको तर्फबाट प्रशासन प्रमुख प्रकाश कुमार भट्टराईले हस्ताक्षर गरे ।
सम्झौता अनुसार नेपाल बैंकमा खाता रहेका ग्राहक र बैंकका कर्मचारीहरूले बि एण्ड बि हस्पिटलमा उपचार गराउँदा बिल रकममा १५ प्रतिशत छुट पाउनेछन् । यो सुविधा प्राप्त गर्न ग्राहकले नेपाल बैंकको मोबाइल बैंकिङ एप मार्फत भुक्तानी गर्नुपर्नेछ ।
नेपालको पहिलो बैंक नेपाल बैंकले हाल आफ्ना २३१ शाखा, २४६ ए.टि.एम. र ६१ एक्सटेन्सन काउन्टर मार्फत देशभरका करिब २७ लाख ग्राहकहरूलाई आधुनिक बैंकिङ सेवा प्रदान गर्दै आएको जनाएको छ । यस स्वास्थ्य सम्झौताले बैंकका ग्राहकहरूलाई गुणस्तरीय स्वास्थ्य उपचारमा आर्थिक राहत पुग्ने विश्वास बैंकले लिएको छ ।
प्रतिक्रिया दिनुहोस्