काठमाडौं । नेपाली बजारमा आज सुन–चाँदीको भाउ घटेको छ। सोमबार तोलामा १४ सय रूपैयाँ घटेको सुनको मूल्य आज प्रतितोला ४५ सय रूपैयाँले पुनः घटेको हो।
नेपाल सुनचाँदी व्यवसायी महासंघका अनुसार आज सुन तोलामा दुई लाख ७७ हजार नौ सय रूपैयाँ निर्धारण गरिएको छ। अघिल्लो कारोबार दिन (सोमबार) सुन प्रतितोला दुई लाख ८२ हजार चार सय रूपैयाँमा खरिदबिक्री भएको थियो।
यस्तै, मंगलबार चाँदीको मूल्य पनि सस्तिएको छ। सोमबार प्रतितोला चार हजार तीन सय १० रूपैयाँमा कारोबार भएको चाँदी मंगलबार तोलाको चार हजार दुई सय ८५ रूपैयाँमा किनबेच भइरहेको महासंघले जनाएको छ। यो मूल्य अघिल्लो दिनको तुलनामा प्रतितोला २५ रूपैयाँ कम हो।
अन्तर्राष्ट्रिय बजारमा आज सुन प्रतिऔंस तीन हजार नौ सय ८३ अमेरिकी डलरमा कारोबार भइरहेको छ।
प्रतिक्रिया दिनुहोस्