काठमाडौं । नेपाली बजारमा आज सुन–चाँदीको भाउ घटेको छ।
नेपाल सुनचाँदी व्यवसायी महासंघका अनुसार आज सुन तोलाको दुई लाख ९१ हजार ५०० रुपैयाँ निर्धारण भएको छ। अघिल्लो कारोबार दिन (मंगलबार) सुन प्रतितोला २ लाख ९२ हजार ८०० सय रूपैयाँमा किनबेच भएको थियो । हिजोको तुलनामा आज सुन प्रतितोला १३ सय रुपैयाँले घटेको हो ।
आइतबार सुन प्रतितोला २८ सय रुपैयाँले घटेर दुई लाख ९० हजार नौ सय रूपैयाँमा कारोबार भएको थियो।
यस्तै, सोमबार प्रतितोला एक सय ४० रूपैयाँले बढर पाँच हजार १५० रूपैयाँमा किनबेच भएको चाँदी आज ९० रुपैयाँले सस्तिएको छ। मूल्य घटेसँगै मंगलबार चाँदी प्रतितोला पाँच हजार ६० रुपैयाँमा किनबेच भैरहेको महासंघले जनाएको छ। आइतबार चाँदी प्रतितोला पाँच हजार १० रूपैयाँमा कारोबार भएको थियो ।
अन्तर्राष्ट्रिय बजारमा आज सुन प्रतिऔंस चार हजार पाँच सय ६५ अमेरिकी डलरमा कारोबार भइरहेको छ।
प्रतिक्रिया दिनुहोस्