काठमाडौं। प्रभु बैंक लिमिटेड र नयाँ दिल्लीस्थित इन्द्रप्रस्थ अपोलो हस्पिटलबीच बैंकका ग्राहक तथा कर्मचारीहरूलाई विशेष छुट दिने सम्झौता भएको छ।
सम्झौता अनुसार प्रभु बैंकका कर्मचारी, मोबाइल बैंकिङ प्रयोगकर्ता, र डेबिट तथा क्रेडिट कार्डवाहकहरूले अपोलो हस्पिटलको उपचार सेवामा १०% छुट पाउनेछन्। भर्ना भएका आईपीडी बिरामीहरूले औषधि र उपभोग्य सामग्री बाहेक तथा भर्ना नभई ओपीडी उपचार गराउनेहरूले औषधि र परामर्श शुल्क बाहेकका सेवामा यो छुट पाउनेछन्।
सम्झौतापत्रमा हस्पिटलका डेपुटी म्यानेजर विपिन शर्मा र बैंकका चिफ मार्केटीङ अफिसर दिपेन्द्र बाबु विष्टले हस्ताक्षर गरे । यो सम्झौता २८ मे २०२६ देखि दुई वर्षका लागि लागू हुने बैंकले जनाएको छ।
प्रतिक्रिया दिनुहोस्