काठमाडौं । नेपाली बजारमा आइतबार सुन– चाँदीको भाउमा उच्च गिरावट देखिएको छ। दशैं विदापछिको पहिलो कारोबार दिन आज सुनको मोल प्रतितोला ११ हजार सात सय रुपैयाँले घटर खरिदबिक्री भैरहेको छ।
नेपाल सुनचाँदी व्यवसायी महासंघका अनुसार आज सुन प्रतितोला दुई लाख ७८ हजार ५०० रुपैयाँ निर्धारण गरिएको छ। त्यसअघि कात्तिक २ गते (सोमबार) तोलामा पाँच सय रूपैयाँ बढेर सुन दुई लाख ९० हजार दुई सय रूपैयाँमा कारोबार भएको थियो । यस्तै, शुक्रबार (असोज ३०) गते सुनको मूल्य प्रतितोला १७ सय रुपैयाँले बढेर प्रतितोला २ लाख ९० हजार १०० रुपैयाँमा किनबेच भएको थियो ।
यस्तै, आइतबार चाँदीको मूल्य पनि घटेको छ। सोमबार प्रतितोला चार हजार एक सय ८५ रूपैयाँमा कारोबार भएको चाँदी आज तोलाको तीन हजार नौ सय ५५ पाँच रूपैयाँमा किनबेच भइरहेको छ। यो मूल्य अघिल्लो कारोबार दिनको तुलनामा प्रतितोला दुई सय ३० रूपैयाँ कम हो। अन्तर्राष्ट्रिय बजारमा आज सुन प्रतिऔंस चार हजार नौ सय ९६ अमेरिकी डलरमा कारोबार भइरहेको छ।
प्रतिक्रिया दिनुहोस्