काठमाडौं । अमेरिकी राष्ट्रपति डोनाल्ड ट्रम्पले विश्वका धनी मानिसहरूका लागि ५० लाख डलरमा अमेरिकाको नागरिकता प्रदान गर्ने ‘गोल्ड कार्ड’ नयाँ योजना अघि सारेका छन् ।
मंगलबार राष्ट्रपति ट्रम्पले अमेरिकामा गएर रोजगारी सिर्जना गर्न चाहने धनि विदेशीहरूलाई ५० लाख डलरमा गोल्ड कार्ड बेच्न आफूले सुरुवात गर्न चाहेको बताएका छन् । विश्वका धनी मानिसहरूलाई ५० लाख डलरको गोल्ड कार्ड बेच्ने घोषणा गरेका उनले उक्त योजना पन्ध्र दिन भित्रै कार्यान्वयन गर्न सकिने बताएका छन् ।
‘हामी गोल्ड कार्ड बेच्दैछौं, तपाईँसँग ग्रीन कार्ड छ, यो चाहिँ गोल्ड कार्ड हो । हामीले यो कार्डको मूल्य करिब ५ मिलियन डलर राखेका छौँ । यो ग्रीन कार्डको सुविधामात्र नभएर अमेरिकी नागरिकता प्राप्तिको रुट पनि हो । यो गोल्ड कार्ड किनेर धनी मानिसहरू हाम्रो देशमा आउनेछन्’ ट्रम्पले भनेका छन् ।
ट्रम्पले आफ्नो उक्त घोषणलाई कानूनी भनेका थिए । उनले करिब दुई हप्तामा सो घोणालाई सुरु गर्न सक्ने बताउँदै भने, ‘यो सम्भव छ कि रूसी कुलीनहरूले गोल्ड कार्डको लागि योग्य हुन सक्छन्।’
राष्ट्रपतिको उक्त घोषणालाई अमेरिकामा ५० लाख डलरमा अमेरिकी नागरिकता साटफेर गर्ने प्रस्तावको रुपमा विष्लेषण हुन थालेको छ ।
प्रतिक्रिया दिनुहोस्