काठमाडौँ । साताको पहिलो कारोबार दिन आइतबार धितोपत्र दोस्रो बजार मापक (नेप्से) परिसूचक ११.४९ अंकले घटेको छ । ११.४९ अंकले घटेको नेप्से परिसूचक २६८८.३१ बिन्दुमा झरेको हो।
आज ३०५ स्टकको ८४ हजार २८० पटक भएको कारोबारमा एक करोड ५८ लाख ५५ हजार ६१० कित्ता सेयर खरिदबिक्री भएको छ । आज ८ अर्ब ३९ करोड ८६ लाख रुपैयाँ बराबरको कारोबार भएर नेप्से बन्द भएको छ । आज ६९ कम्पनीको सेयर मूल्य बढ्दा १६७ कम्पनीको सेयर मूल्य घटेको छ । ६ कम्पनीको सेयर मूल्य भने स्थिर छ ।
घटेको बजारमा दुई कम्पनीको सेयर मूल्य भने १० प्रतिशतले बढेको छ । आइतबार सेन्ट्रल फाइनान्स र गार्डेन माइक्रोलाइफ इन्स्योरेन्सको सेयर मूल्य १० प्रतिशतले बढेको हो । सेन्ट्रल फाइनान्सको सेयर मूल्य प्रतिकित्ता ६७३ रुपैयाँ २० पैसा कायम भएको छ भने गार्डेन माइक्रोलाइफको सेयर मूल्य प्रतिकित्ता ३३१ रुपैयाँ १० पैसा पुगेको छ ।
घटेका उपसमूहहरूमा बैंकिङ ०.३५, विकास बैंक १.३५, होटल तथा पर्यटन ०.२४, जलविद्युत ०.५०, लगाानी ०.३९, जीवन बीमा ०.७६, म्युचल फण्ड ०.३४, नीर्जीवन ०.५७ र अन्य १.३० प्रतिशत रहेका छन् । कारोबारमा आएका १३ मध्ये चार समूहको परिसूचक बढेको छ । बाँकी समूहको परिसूचक घटेको छ । परिसूचक बढ्नेमा फाइनान्स, उत्पादन तथा प्रशोधन, माइक्रोफइनान्स र व्यापार समूह छन् ।
प्रतिक्रिया दिनुहोस्