दुई दिनमै ६ हजार दुई सय रुपैयाँले महँगियो सुन, तोलाको कति ?

काठमाडौं। नेपाली बजारमा आज पनि सुन–चाँदीको भाउ उकालो लागेको छ। आइतबार तोलामा १२ सय रुपैयाँले बढेको सुनको मूल्य सोमबार प्रतितोला पाँच हजार रूपैयाँले महँगिएको हो ।

विज्ञापन

नेपाल सुनचाँदी व्यवसायी महासंघका अनुसार आज सुन प्रतितोला दुई लाख ९८ हजार दुई सय रूपैयाँ कायम भएको छ। अघिल्लो कारोबार दिन (आइतबार) एक तोला सुनको मोल दुई लाख ९२ हजार दुई सय रूपैयाँमा खरिदबिक्री भएको थियो। साताको दुई कारोबार दिनमै सुनको मूल्य ६ हजार दुई सय रुपैयाँले वृद्धि भएको हो । शुक्रबार सुन प्रतितोला दुई लाख ९२ हजार रूपैयाँमा कारोबार भएको थियो।

यस्तै, सोमबार चाँदीको भाउ पनि महँगिएको छ। आइतबार प्रतितोला चार हजार आठ सय ९५ रूपैयाँमा किनबेच भएको चाँदी सोमबार पाँच हजार १५ रूपैयाँ निर्धारण गरिएको महासंघले जनाएको छ। यो मूल्य अघिल्लो दिनको तुलनामा प्रतितोला एक सय २० रूपैयाँ बढी हो ।

अन्तर्राष्ट्रिय बजारमा आज सुन प्रतिऔंस चार हजार तीन सय २९ अमेरिकी डलरमा कारोबार भइरहेको छ।