काठमाडौं । नाडा अटोमोवाईल्स एशोसिएशन अफ नेपाल र भन्सार विभागबिच बजेटबारे छलफल भएको छ । छलफलमा भन्सार विभागका महानिर्देशक महेश भट्टराईले व्यवसायीहरूले स्वच्छ व्यवसायलाई आत्मसात गर्नुपर्ने बताए ।
बुधबार नाडाका महासचिव सुरेन्द्र कुमार उप्रेतीको नेतृत्व टोलीले भन्सार विभागका महानिर्देशक महेश भट्टराइसंग भेट गरेको हो । भेटका क्रममा नाडा प्रतिनिधिले आर्थिक वर्ष २०८२/८३ को बजेट निर्माणका लागि सुझाव पेश गरेका छन् ।
यस्तै, महासचिव उप्रेतीले नाडाले स्वच्छ व्यवसायका लागि वातावरण तयार गर्न सरकारलाई सुझाव दिँदै आएको स्मरण गरे । टोलीले अन्य विविध विषयमा छलफल गरेको नाडाले जनाएको छ ।
सो छलफलमा नाडाका सचिव विक्रम सिंहानिया, कोषाध्यक्ष मिलनबाबु मल्ल, लुब्रिकेन्टस् समितिका उपसभापति दिपक कुमार, सदस्य अमरज्योति रन्जितकर र अंकुर खनाल सहभागी थिए ।
प्रतिक्रिया दिनुहोस्