सुनको मूल्यमा ६ सय रुपैयाँको गिरावट, कतिमा हुँदैछ आज कारोबार?

काठमाडौं । नेपाली बजारमा निरन्तर उकालो लागेको पहेँलो धातु (सुन) को मूल्यमा आज गिरावट आएको छ । मंगलबार नयाँ रेकर्ड बनाएको सुनको मूल्यमा आज ६ सय रुपैयाँ घटेको छ ।

विज्ञापन

नेपाल सुन–चाँदी व्यवसायी महासंघका अनुसार आज सुन तोलाको एक लाख ७९ हजार १०० रुपैयाँमा कारोबार भइरहेको छ । मंगलबार सुनको मूल्य तोलाको एक लाख ७९ हजार ७०० रुपैयाँ पुगेको थियो ।

यस्तै, बुधबार चाँदी तोलाको १५ रुपैयाँ घटेको छ । मंगलबार चाँदी प्रतितोला दुई हजार ३५ रुपैयाँमा कारोबार भएकामा आज चाँदीको भाउ दुई हजार २० रुपैयाँ तोकिएको महासंघले जनाएको छ ।