काठमाडौं । अर्थ मन्त्रालयले नेपाल राष्ट्र बैंकका वरिष्ठ डेपुटी गभर्नर निलम ढुङ्गाना तिम्सिनालाई कायम मुकायम गभर्नरको जिम्मेवारी तोकेको छ । नेपाल राष्ट्र बैंक ऐन २०५८ को दफा २७ बमोजिम उपप्रधानमन्त्री एवं अर्थमन्त्री विष्णुप्रसाद पौडेलले ढुङ्गानालाई साेमबार कायम मुकायम गभर्नरको जिम्मेवारी तोकेका हुन् ।
यस अघिका गभर्नर महाप्रसाद अधिकारी आफ्नो पाँचवर्षे कार्यकाल सकेर गत शुक्रबार विदा भएसँगै अर्थले उनलाई जिम्मेवारी दिएको हो । उनी पनि गभर्नर बन्ने प्रतिस्पर्धी मध्ये एक हुन्। हाल प्रतिस्पर्धीमा गुणकर भट्ट, ज्ञानेन्द्र ढुंगाना,गोविन्दप्रसाद पाण्डे लागायत एक दर्जन आकंक्षी रहेका छन् ।
प्रतिक्रिया दिनुहोस्