आज कालीमाटी बजारमा यस्ता छन् सागसब्जी र फलफूलको थोक मूल्य

काठमाडौं । कालीमाटी फलफूल तथा तरकारी बजार विकास समितिले आज (जेठ ९) का लागि सागसब्जी र फलफूलको अधिकतम थोक मूल्य सार्वजनिक गरेको छ। समितिका अनुसार विभिन्न प्रकारका तरकारी, फलफूल, मसला तथा माछाको मूल्य निर्धारण गरिएको हो।

तरकारीतर्फ, गोलभेँडा ठूलो नेपाली र भारतीय दुवैको मूल्य प्रतिकिलो ४० रुपैयाँ कायम गरिएको छ भने सानो गोलभेँडा लोकल ५० रुपैयाँ, टनेल उत्पादन ६० रुपैयाँ र भारतीय सानो गोलभेँडा ५० रुपैयाँ तोकिएको छ। आलु रातो नेपाली ४०, भारतीय ३८ र मुडे आलु ४० रुपैयाँ प्रतिकिलोमा तोकिएको छ।

प्याज सुकेको (भारतीय) को मूल्य ३८, गाजर (लोकल र तराई) ३०, बन्दा (लोकल) १२, काउली (स्थानीय) २०, मूला (रातो) ३०, सेतो मूला (लोकल) १५ र हाइब्रिड मूला ३० रुपैयाँ रहेको छ।

त्यस्तै, भन्टा लाम्चो २५, भन्टा डल्लो ३०, तने बोडी ७०, मकै बोडी ५०, मटरकोसा ९०, घिउ सिमी (लोकल/हाइब्रिड) ४०, राजमा १००, भटमास कोसा १००, तितो करेला ४०, लौका २०, परबर (लोकल/तराई) ६०, चिचिण्डो ३५, घिरौला ४०, झिगुनी ६०, फर्सी हरियो (लाम्चो) ३५, डल्लो फर्सी २०, र भिण्डी ३० रुपैयाँ प्रतिकिलोमा निर्धारण गरिएको छ।

हरियो सागसब्जीमा, सखरखण्ड ६०, पिँडालु १२०, रायो साग ५०, पालुङ्गो ६०, चमसुर ८०, तोरीको साग ३०, मेथीको साग १००, हरियो प्याज ५०, च्याउ कन्य १६०, च्याउ डल्ले ३००, कुरिलो ७००, निगुरो २५, ब्रोकाउली ७०, चुकुन्दर ७०, सजीवन ९०, जिरीको साग ९०, ग्याठकोभी ६०, सेलरी १८०, पार्सले ४००, सौफको साग १००, पुदिना १७०, गान्टे मूला ४०, इमली १८०, तामा १००, तोफु १४० र गुन्द्रुक ३५० रुपैयाँमा उपलब्ध छ।

फलफूलतर्फ, स्याउ (झोले) २५०, स्याउ (फूजी) ३००, केरा (दर्जन) १५०, कागती २४०, अनार ३५०, अङ्गुर (हरियो) २००, अङ्गुर (कालो) ३५०, तरबुजा (हरियो) ४०, मौसम २००, जुनार २००, भुइँकटहर (गोटा) २००, काँक्रो (लोकल) ४०, हाइब्रिड काँक्रो २०, रुख कटहर ७०, नास्पाती (चाइनिज) २५०, मेवा (भारतीय) १००, लिची (लोकल) २००, र आभोकाडो ७५० रुपैयाँ प्रतिकिलो तोकिएको छ।

मसला र अन्य सामग्रीतर्फ, अदुवा १२०, सुकेको खुर्सानी ४००, हरियो खुर्सानी ७०, बुलेट खुर्सानी ७०, माछे खुर्सानी ३५, अकबरे खुर्सानी ३५०, भेडे खुर्सानी ५५, हरियो लसुन १००, हरियो धनिया ५०, सुकेको लसुन (चाइनिज) ३००, सुकेको लसुन (नेपाली) २००, सुकेको छ्यापी २००, हरियो छ्यापी १५० रुपैयाँमा विक्री भइरहेको छ।

माछातर्फ, रहु र बचुवा जातको माछा ३२०, छडी माछा २४०, राजा च्याउ ३००, र सिताके च्याउ ८०० रुपैयाँ प्रतिकिलोमा तोकिएको छ।कालीमाटी बजार विकास समितिका अनुसार यस्ता मूल्यहरू दैनिक बजार आपूर्ति, मौसम, माग र अन्य कारकहरूका आधारमा निर्धारण गरिन्छन्।

प्रतिक्रिया दिनुहोस्