काठमाडौं । नेपाल राष्ट्र बैंकको प्रवक्तामा कार्यकारी निर्देशक किरण पण्डितले जिम्मेवारी पाएका छन् । भुक्तानी प्रणाली विभागको कार्यकारी निर्देशक रहेका पण्डितलाई आज (२१ जेठ) देखि लागु हुनेगरी प्रवक्ताको जिम्मेवारी तोकिएको हो ।
उनि कार्यकारी निर्देशकमा बढुवा भएपछि भुक्तानी प्रणाली विभागको प्रमुखको जिम्मेवारीमा छन् ।
पण्डितसँग बैंक तथा वित्तीय संस्था नियमन विभाग, बैंक सुपरिवेक्षण विभाग र वित्तीय समावेशीता तथा ग्राहक संरक्षण महाशाखामा काम गरेको अनुभव छ । पण्डितले २०६२ देखि राष्ट्र बैंकमा सेवाको सुरुवात गरेका थिए ।
प्रतिक्रिया दिनुहोस्