कर्पोरेट समाचार 
काठमाडाैं । एनएमबि बैंक लिमिटेडले गोविन्द घिमिरेलाई प्रमुख कार्यकारी अधिकृत (सीईओ) पदमा नियुक्त गरेको छ। मंगलबारदेखि कार्यान्वयनमा आएको यो नियुक्ति बैंक सञ्चालक समितिको निर्णयअनुसार गरिएको हो। पूर्व सीईओ सुनिल केसीको कार्यकाल समाप्त भएपछि घिमिरेले सीईओको जिम्मेवारी सम्हालेका हुन्।
बैंक सञ्चालक समितिले २०८२ सालको फागुन महिनामै घिमिरेलाई सीईओ बनाउने निर्णय गरेको थियो। नयाँ नियुक्तिसँगै घिमिरेले आगामी चार वर्षको कार्यकालका लागि एनएमबि बैंकको नेतृत्व गर्नेछन्।
तीन दशकभन्दा बढीको बैंकिङ अनुभव भएका घिमिरे विगत १६ वर्षदेखि एनएमबि बैंकसँग आबद्ध छन्। उनले बैंकका विभिन्न विभाग र शाखाहरूको नेतृत्व गर्दै डेप्युटी सीईओको भूमिकामा समेत कार्य गरिसकेका छन्।
सुदेश उपाध्याय सिनियर डीसीईओमा
यसैबीच, बैंकले सुदेश उपाध्यायलाई सिनियर डेप्युटी सीईओ पदमा बढुवा गरेको छ। यसअघि उपाध्याय नायब प्रमुख कार्यकारी अधिकृतका रूपमा कार्यरत थिए। बैंकको नेतृत्वमा आएको यो संरचनात्मक परिवर्तनले व्यवस्थापनमा नयाँ ऊर्जा थप्ने अपेक्षा गरिएको छ।
प्रतिक्रिया दिनुहोस्