कर्पोरेट समाचार 
काठमाडौं । नेपाल–चीन व्यापारलाई सहज बनाउन मुस्ताङको कोरला नाका पूर्ण रुपमा सञ्चालनमा ल्याइएसँगै ३४ करोड बढी राजस्व संकलन भएको छ ।
भदौ ३० गतेदेखि औपचारीक रुपमा सञ्चालनमा आएको यस नाकाबाट असोज ४ गते (शनिबार) सम्म २०९ वटा विद्युतीय गाडी निर्यात भएको छ । यस्तै, १०७ वटा मालवाहक ढुवानी साधनमार्फत आयात भएका सामान जाँचपास पूरा हुँदा भन्सार विभागले सो अवधिमा ३४ करोड ४७ लाख ४५ हजार २५२ रुपैयाँ राजस्व संकलन गरेको छ ।
हाल कोरला नाकामा आँशिकुडा प्रणाली पनि सञ्चालनमा आइसकेको छ । साथै नेपाल राष्ट्र बैंकको भदौ ३१ गतेको परिपत्र अनुसार मुस्ताङ भन्सार कार्यालयलाई पनि चिनियाँ भूभाग हुँदै प्रतितपत्र (एलसी) मार्फत सामान आयात गर्न एकीकृत परिपत्र–२०८१ मा समावेश गरिएको छ ।
सरकारले रसुवा भन्सार कार्यालय बाढीका कारण पूर्ण रूपमा बन्द र तातोपानी भन्सार कार्यालय पहिरोका कारण अवरुद्ध भएपछि रसुवा र तातोपानी मार्गको विकल्पमा वैकल्पिक भन्सारमा कोरना नाकालाई सञ्चालनमा ल्याएको हो ।
प्रतिक्रिया दिनुहोस्