सुनको मूल्यमा आज ४२ सय रुपैयाँको गिरावट, चाँदी हालसम्मकै महंगो

काठमाडौं । दसैँपछि निरन्तर उकालो लागेको सुनको मूल्यमा शुक्रबार ४ हजार २०० रुपैयाँको गिरावट आएको छ । नेपाल सुनचाँदी व्यवसायी महासंघका आज छापावाल सुन प्रतितोला २ लाख ३५ हजार रुपैयाँ कायम भएको हो ।

विज्ञापन

यसअघि अघिल्लो कारोबार दिन बिहीबार सोही परिमाणको सुन २ लाख ३९ हजार २०० रुपैयाँमा किनबेच भएको थियो ।

यस्तै, आज चाँदीको मूल्य भने प्रतितोला ६० रुपैयाँले बढेर ३ हजार ८५ रुपैयाँ पुगेको छ । बिहीबार चाँदी तोलामा ३ हजार २५ रुपैयाँमा कारोबार भएको थियो । आज कायम भएको चाँदीको मूल्य हालसम्मकै महंगो हो ।

अन्तर्राष्ट्रिय बजारमा आज एक औँस सुन तीन हजार ५८ अमेरिकी डलरमा कारोबार भइरहेको अन्तर्राष्ट्रिय सञ्चारमाध्यमहरूले जनाएका छन् ।