काठमाडौं । एनआईसी एशिया लघुवित्त वित्तीय संस्था लिमिटेडले दिवाकर भट्टराईलाई सञ्चालकमा नियुक्त गरेको छ। संस्थापक एनआईसी एशिया बैंक लिमिटेडको सञ्चालक समितिको निर्णयअनुसार भट्टराईलाई संस्थापक समूहको तर्फबाट प्रतिनिधि सञ्चालकका रूपमा मनोनीत गरिएको हो।
लघुवित्तको मिति २०८२ कार्तिक १९ गते बसेको सञ्चालक समितिको बैठकले उहाँलाई आगामी वार्षिक साधारण सभासम्मका लागि नियुक्त गरेको जनाएको छ। यसअघि सो पदमा सुमन थपलिया संस्थापक समूहको तर्फबाट प्रतिनिधित्व गर्दै आएका थिए।
नव–नियुक्त सञ्चालक भट्टराईले संस्थाका अध्यक्ष प्रकाश राज शर्मा समक्ष शपथ ग्रहण गरी पदभार सम्हालेका छन्। बैंकिङ क्षेत्रमा १६ वर्षको अनुभव भएका भट्टराई हाल एनआईसी एशिया बैंक लिमिटेडमा प्रमुख कृषि तथा अन्य कर्पोरेट ऋण रूपमा कार्यरत छन्।
प्रतिक्रिया दिनुहोस्