कर्पोरेट समाचार 
काठमाडौं । काठमाडौं महानगरपालिकाका प्रमुख बालेन शाहलाई पितृशोक परेको छ। मेयर बालेनका बुवा रामनारायण शाहको उपचारका क्रममा निजामती कर्मचारी अस्पतालमा निधन भएको अस्पतालका कार्यकारी निर्देशक डा मोहनचन्द्र रेग्मीले जानकारी दिए ।
बिरामी रामनारायणलाई आइतबार उपचारको लागि नयाँ बानेश्वरस्थित सिभिल अस्पताल लगिएको थियो। ७७ वर्षीय शाहको उपचारका क्रममा आज मध्याह्न निधन भएको हो। मधुमेहका बिरामी उनलाई आइतबार बेहोसीमै अस्पताल पुर्याइएको थियो । रामनारायणको पिसाबमा संक्रमण भई फैलिएको बताइएको छ ।
आजै प्रधानमन्त्री सुशीला कार्कीले अस्पताल पुगेर स्वर्गीय रामनारायणको स्वास्थ्य अवस्थाबारे जानकारी लिएकी थिइन्। रामनारायण आयुर्वेद डाक्टर थिए।
प्रतिक्रिया दिनुहोस्