काठमाडौं। चिनियाँ कम्पनी विवाईडीले उत्पादन गरेको विद्युतीय सवारी ‘डल्फिन’को बिक्री १० लाख युनिट पुगेको छ । योसँगै विवाईडी डल्फिन चिनियाँ अटो बजारमा सबैभन्दा छिटो विश्व बजारमा १० लाख युनिट बिक्रीको उपलब्धि हासिल गर्ने ह्याचब्याक ईभी बनेको छ ।
नेपालका लागि विवाईडीको आधिकारिक बिक्रेता साइमेक्स इंक प्रालिले यो उपलब्धिलाई गर्वको क्षण भएको बताएको छ । ‘विवाईडी डल्फिनले ह्याचब्याक सेग्मेन्टमा नयाँ परिभाषा स्थापित गरेको छ, सुरक्षित, स्मार्ट र वातावरणमैत्री सवारी खोज्ने नेपाली परिवारको पहिलो रोजाइमा डल्फिन बनेकामा हामीलाई निकै खुसी लागेको छ, हामी ईभी इकोसिस्टम विस्तार, उत्कृष्ट बिक्रीपछिको सेवा र नेपाललाई स्वच्छ गतिशीलतामा रूपान्तरण गर्ने यात्रामा निरन्तर साथ दिन प्रतिबद्ध छौं’, कम्पनीले जनाएको छ।
कम्पनीका अनुसार विवाईडीले २०२६ का लागि नयाँ संस्करणको डल्फिन परीक्षण समेत सुरु गरिसकेको छ । जुन हाल चीनमा परीक्षणको चरणमा छ । ०२६ मा प्रारम्भिक रिपोर्टहरूका अनुसार डिजाइन र ड्राइभिङमा महत्वपूर्ण सुधार हुने अपेक्षा गरिएको छ । विश्वव्यापी रुपमा मात्रै विवाईडी डल्फिनको बिक्री नेपालमा पनि उल्लेख्य मात्रामा भइरहेको कम्पनीले जनाएको छ। साइमेक्स इंक प्रालिले नेपालमा सन् २०२३ सेप्टेम्बरमा डल्फिन सार्वजनिक गरेको थियो । जुन नेपालमा सबैभन्दा धेरै बिक्री हुने विद्युतीय सवारीमा पहिलो स्थानमा रहेको छ । हाल नेपालका सडकमा २५०० भन्दा बढी डल्फिन गुडिरहेका छन् ।
नेपालमा ह्याचब्याक सेग्मेन्टको बिक्री घट्दो अवस्थामा हुँदाहुँदै पनि, डल्फिनलाई उपभोक्ताहरूले रुचाएका छन् । उत्कृष्ट सेफ्टी, इन्टेलिजेन्ट फिचरहरूका कारण यो गाडी धेरैको रोजाइमा परेको कम्पनीको बुझाइ छ । विवाईडीको ई–प्लेटर्म ३.० मा आधारित यो गाडीमा ७८.२ प्रतिशत उच्च–शक्ति हाइ स्ट्रेन्थ स्टिल प्रयोग गरिएको छ। यसले नेपाली सडकहरूको विविध परिस्थितिमा समेत यात्रु सुरक्षामा विशेष ध्यान दिने कम्पनीको भनाइ छ ।
डल्फिनमा १२.८ इञ्चको घुमाउन मिल्ने टचस्क्रिन, मोबाइल कनेक्टिभिटी र २७०० मिमी ह्विलबेससहित प्रशस्त क्याबिन स्पेसको सुविधा छ। यसका अतिरिक्त, विवाईडी डल्फिनमा लेभल २ एड्भान्स ड्राइभर एसिस्टेन्ट सिस्टम (एडिएएस) को सुविधा पनि छ । जसमा क्रुज कन्ट्रोल, अटोमेटिक इमर्जेन्सी ब्रेकिङ र लेन डिपार्चर असिस्टेन्स लगायतका विशेषता समावेश छन् ।
नेपालमा सवारी साधनमध्ये ह्याचब्याक सेग्मेन्टमा विवाईडी डल्फिनले पुनः एकपटक बजार बढाएको उल्लेख गरेको छ ।
प्रतिक्रिया दिनुहोस्