काठमाडौं । एनइए इन्जिनियरिङ कम्पनी लिमिटेडले २१.०५ प्रतिशत लाभांश वितरण गर्ने प्रस्ताव गरेको छ ।
कम्पनी सञ्चालक समितिको बैठकले गत वर्षको नाफाबाट शेयरधनीहरूलाई चुक्ता पुँजीको २० प्रतिशत बोनस शेयर र कर प्रयोजनका लागि १.०५ प्रतिशत नगद गरी कुल २१.०५ प्रतिशत लाभांश वितरण गर्ने प्रस्ताव गरेको हो । कम्पनीले सोही प्रयोजनार्थ पुस २८ गते एनइए इन्जिनियरिङको कार्यालय ललितपुरमा नवौँ वार्षिक साधारण सभा बोलाएको छ ।
सभाले सञ्चालक समितिको गत आर्थिक वर्ष २०८१/८२ को वार्षिक प्रतिवेदन र लेखापरीक्षकको प्रतिवेदनलगायतका अन्य आर्थिक तथा वित्तीय प्रस्तावहरु पनि पारित गर्ने कम्पनीले जनाएको छ।
प्रतिक्रिया दिनुहोस्