काठमाडौं । सन् २०२५ मा श्रीलङ्कामा सबैभन्दा धेरै विदेशी पर्यटकहरूको आगमन रेकर्ड कायम भएको छ । श्रीलङ्कामा आएको चक्रवात दितवाहले गर्दा पुगेको अवरोधका बावजुद पनि पर्यटन आय नयाँ वार्षिक रेकर्डमा पुगेको श्रलङ्काका विदेश मन्त्री विजिता हेराथले बताएका छन् ।
परराष्ट्र मामिला, विदेश रोजगार तथा पर्यटन मन्त्री हेराथले यस वर्ष २३ लाख ६० हजार भन्दा बढी विदेशी पर्यटकहरूले श्रीलङ्का भ्रमण गरेको जानकारी दिए । जुन एक वर्षमा रेकर्ड गरिएको सबैभन्दा बढी सङ्ख्या हो । पर्यटन राजस्व मात्र सन् २०२५ तीन अर्ब २० करोड अमेरिकी डलर पुगेको उनले बताए । देशको विदेशी मुद्राको दोस्रो ठूलो स्रोतको रूपमा पर्यटन व्यावसाय रहेको उनले पुष्टि गरे ।
नोभेम्बरको अन्त्यमा श्रीलङ्कमा आएको चक्रवात दितवाको प्रभावका बावजुद पर्यटकहरूको आगमन बलियो रहेको बताउदै उनले नीतिगत समर्थन उपाय र प्रवद्र्धन गतिविधिका कारण विपत्ति पछि पनि पर्यटन आगमन जारी रहेको जानकारी दिए ।
श्रीलङ्काले सन् २०२६ मा न्यूनतम ३० लाख विदेशी पर्यटक आगमनको लक्ष्य राखेको छ, जुन सन् २०२५ को भन्दा करिब २७ प्रतिशतले बढी हो । चक्रवात पछि अन्तर्राष्ट्रिय मुद्रा कोषले सन् २०२६ का लागि समग्र वृद्धिको अनुमानलाई २.९ प्रतिशतमा संशोधन गरेको कारण पर्यटन वृद्धिले आर्थिक सुधार प्रयासमा योगदान गर्ने श्रीलङ्काली अधिकारीहरूले अपेक्षा गरेका छन् । सिन्ह्वा/गेटी इमेज
प्रतिक्रिया दिनुहोस्