काठमाडौं । नेपाल बैंक र ओम हस्पिटल एण्ड रिसर्च सेन्टरबीच स्वास्थ्य सेवा शुल्क छुट गर्ने सम्बन्धी सम्झौता भएको छ ।
नेपालको पहिलो बैंक नेपाल बैंक लिमिटेडमा कार्यरत कर्मचारीहरु, कर्मचारीका परिवार र बैंकमा खाता रहेका ग्राहकहरूलाई काठमाडौं चावहिलस्थित ओम हस्पिटलमा उपचार गर्दा लाग्ने शुल्कमा विशेष छुट प्रदान गर्ने गरि बुधबार सम्झौता भएको हो ।
सम्झौता अनुसार बैंकका ग्राहक, कर्मचारी तथा कर्मचारीका परिवारले समेत अस्पतालको विविध उपचार सेवामा लाग्ने शुल्कहरूमा बिल रकमको ५ देखि १५ प्रतिशत सम्म पाउनेछ्न ।
सम्झौता पत्रमा बैंकको तर्फबाट प्रमुख वित्त अधिकृत दीपेन्द्र राज काफ्ले र ओम हस्पिटलको तर्फबाट प्रमुख कार्यकारी अधिकृत यम बहादुर महतले हस्ताक्षर गरे ।
उक्त सम्झौताबाट बैंकमा कार्यरत कर्मचारीहरू तथा ग्राहकले सहुलियतपूर्ण स्वास्थ्य उपचार सेवाबाट लाभान्वित हुने विश्वास बैंकको रहेको छ ।
प्रतिक्रिया दिनुहोस्