काठमाडौं । एभरेष्ट बैंकको चालु आर्थिक वर्षको ६ महिनामा खुद नाफा २ प्रतिशत बढेर २ अर्ब ११ करोड रुपैयाँ नाघेको छ । बैंकले गत वर्षको सोही अवधिमा २ अर्ब ७ करोड ४७ लाख ६३ हजार रुपैयाँ खुद नाफा गरेकोमा चालु आवको समीक्षा अवधिमा नाफा बढेर २ अर्ब ११ करोड ७१ लाख १६ हजार रुपैयाँ पुगेको हो ।
चालु आर्थिक वर्षको दोस्रो त्रैमास सम्ममा बैंकको खुद ब्याज आम्दानी पनि ५.९६ प्रतिशत बढेको छ । हाल बैंकको खुद ब्याज आम्दानी ४ अर्ब ५७ करोड २९ लाख ४१ हजार रुपैयाँ पुगेको बैंकले जनाएको छ । गत वर्षको सोही अवधिमा बैंकले ४ अर्ब ३१ करोड ५८ लाख २१ हजार रुपैयाँ खुद ब्याज आर्जन गरेको थियो । यस्तै, बैंकको खुद शुल्क तथा कमिसन आम्दानी २०.३८ प्रतिशत वृद्धि भई ९२ करोड ९ लाख ५४ हजार रुपैयाँ पुगेको छ । बैंकको कूल सञ्चालन आम्दानी समेत ९.७३ प्रतिशत बढेर ५ अर्ब ८१ करोड ४७ लाख रुपैयाँ र सञ्चालन नाफा २ प्रतिशत वृद्धि भएर ३ अर्ब १७ करोड १६ लाख ४६ हजार रुपैयाँ रहेको छ।
बैंकसँग शेयरधनिलाई वितरणयोग्य नाफा ३ अर्ब ३४ करोड २८ लाख ३१ हजार रुपैयाँ रहेको छ भने लाभांश क्षमता ३१.९३ प्रतिशत रहेको देखिएको छ । गत वर्षको सोही अवधिमा बैंकको वितरणयोग्य नाफा २ अर्ब ७१ करोड ६७ लाख ७१ हजार रुपैयाँ थियो । यष्सैगरी, बैंकको चुक्ता पुँजी १३ अर्ब ७२ करोड १३ लाख ७६ हजार रुपैयाँ रहेको छ । अघिल्लो आवको तुलनामा यो ६ प्रतिशतको वृद्धि हो । बैंकको जगेडा कोषमा १४ अर्ब ९४ करोड ८३ लाख रुपैयाँ जम्मा छ ।
यस्तै, बैंकको निक्षेप संकलन २.०५ प्रतिशत वृद्धि भई ३ खर्ब ४ अर्ब ९५ करोड ८७ लाख १९ हजार रुपैयाँ र कर्जा लगानी २ खर्ब ३६ अर्ब ४२ करोड ७२ लाख ४४ हजार रुपैयाँ पुगेको छ । यस्तै, बैंकको कर्जा निक्षेप अनुपात (सीडी रेसियो) ८०.१९ प्रतिशत र आधार दर ४.७५ प्रतिशत रहेको छ । प्रतिशेयर आम्दानी १.२० रुपैयाँ घटेर ३०.८६ रुपैयाँमा आएको छभने पुस मसान्तसम्ममा बैंकको मूल्य आम्दानी अनुपात २१.३९ गुणा रहेको छ । यस्तै, प्रतिशेयर नेटवर्थ २३५.१५ रुपैयाँ रहँदा दोस्रो त्रैमाससम्म खराब कर्जा बढेर ०.६८ प्रतिशत पुगेको छ ।
प्रतिक्रिया दिनुहोस्