काठमाडौं। बैंकहरूमा तरलता बढेपछि नेपाल राष्ट्र बैंकले बजारबाट आज ४० अर्ब रुपैयाँ निक्षेप खिच्ने भएको छ । केन्द्रीय बैंकले करिब तीन महिना (८८ दिन) का लागि ४० अर्ब रुपैयाँ निक्षेप संकलन उपकरणमार्फत खिच्न लागेको हो ।
राष्ट्र बैंकमा पैसा राख्न चाहने इच्छुक बैंक तथा वित्तीय संस्थाले दिउँसो ३ बजे अनलाइन बिडिङमार्फत हुने निक्षेप संकलनको बोलकबोलमा सहभागी हुन सक्नेछन् ।बैंक तथा वित्तीय संस्थाहरुले न्यूनतम १० करोड र अधिकतम पाँच करोड रुपैयाँले भाग गर्दा निःशेष भाग जाने गरी निष्कासित रकमबराबर बोलकबोल गर्न सक्नेछन् ।
केन्द्रीय बैंकका अनुसार बोलकबोल प्रक्रियामा ‘क’, ‘ख’ र ‘ग’ वर्गका बैंक तथा वित्तीय संस्थाहरू मात्र भाग लिन पाउनेछन्। यसको ब्याजदर बोलकबोल बाटै निर्धारण हुनेछ। साँवा र ब्याज भुक्तानी भने आगामी जेठ १० गते हुने बताइएको छ । बजारमा रहेको अधिक तरलता व्यवस्थापनका लागि राष्ट्र बैंकले निक्षेप संकलन उपकरण प्रयोग गर्दै तरलता प्रशोचन गर्दै आएको छन।
प्रतिक्रिया दिनुहोस्