कर्पोरेट समाचार 
काठमाडौं । प्रभु बैंक लिमिटेडका ग्राहक तथा कर्मचारीहरूले पोखराको ‘फिस टेल लज’ र ‘अन्नपूर्ण जगतपुर लज’ मा विशेष छुट पाउने भएका छन्।
बैंक र लज व्यवस्थापनबीच बुधबार एक समारोहमा सेवामा सहुलियत दिने सम्बन्धी समझदारीपत्रमा हस्ताक्षर भएको हो।
सम्झौतापत्रमा प्रभु बैंकका तर्फबाट चिफ मार्केटिङ अफिसर दिपेन्द्र बाबु विष्ट र फिस टेल लज तथा अन्नपूर्ण जगतपुर लजको तर्फबाट बिक्री तथा मार्केटिङ क्लस्टर निर्देशक सनीस महर्जनले हस्ताक्षर गरेका छन् ।
सम्झौता अनुसार प्रभु बैंकका कार्ड प्रयोगकर्ता ग्राहक र कर्मचारीहरूले दुवै लजमा आवास सुविधामा विशेष संस्थागत छुट तथा
खाना र पेय पदार्थमा १०% देखि १५५%सम्मको आकर्षक छुट पाउनेछन्।
यो सुविधा लिनका लागि ग्राहकले बिल भुक्तानी गर्दा प्रभु बैंकको डेबिट कार्ड, क्रेडिट कार्ड वा बैंकको विद्युतीय माध्यमबाट भुक्तानी गर्नुपर्ने बैंकले जनाएको छ।
प्रतिक्रिया दिनुहोस्