काठमाडौं। सिजी मोटर्सले काठमाडौंको भृकुटीमण्डपमा बहु–ब्रान्ड विद्युतीय सवारी प्रदर्शनी ‘महा मेला एक्सचेन्ज कार्निभल’ आयोजना गरेको छ । आजदेखि सुरु भएको यो कार्निभल आगामी जेठ ११ गतेसम्म सञ्चालन हुनेछ । मेलाको औपचारिक उद्घाटन लोकप्रिय गायक, संगीतकार तथा एक्सपाङ जी६का ब्रान्ड एन्डोसर्स कालीप्रसाद बास्कोटाले गरे ।
उद्घाटन कार्यक्रममा सिजी मोटर्सका डेपुटी सीईओ बिमल शाह लगायत अन्य पदाधिकारीहरूको पनि उपस्थिति रहेको थियो । यो अवसरमा कार्निभलको मुख्य आकर्षणका रूपमा सिजी मोटर्सले दुईवटा नयाँ विद्युतीय गाडीहरू सार्वजनिक गरेको छ । रिडारा इकोन ४×४ र अपग्रेड गरिएको किङ लङ १६–सिटर अनावरण गरिएको हो ।
उक्त कार्निभलमा विद्युतीय चार पाङ्ग्रे तथा दुई पाङ्ग्रे सवारीसाधनहरू राखिएको छ। कार्यक्रममा रिडारा, दायुन, जीएसी आयन, एक्सपेङ तथा किङलङका १४ सिटर र १६ सिटर ब्लेड ब्याट्री मोडलहरू प्रदर्शनमा राखिएका छन् भने दुई पाङ्ग्रे अन्तर्गत हिरो ब्रान्डका मोटरसाइकलहरू पनि प्रदर्शनीमा समावेश गरिएको छ।
आकर्षक डाउन पेमेन्ट र एक्सचेन्ज अफरहरू व्यक्तिगत तथा व्यावसायिक प्रयोजनका लागि गाडी खरिद गर्न चाहने ग्राहकहरूलाई लक्षित गरी कार्निभलमा विशेष वित्तीय योजना र आकर्षक अफरहरू सार्वजनिक गरिएको छ । जसअन्तर्गत दायुन गाडी मात्र ३.९९ लाख डाउन पेमेन्टमा उपलब्ध हुनेछ। रिडारा इकोन ४×४ पनि ९.९९ लाख डाउन पेमेन्टमा बुकिङ गर्न सकिनेछ। आयन र एक्सपाङ यी गाडीहरूको खरिदमा १२ लाखसम्मको बिशेष बेनिफिट दिइने उल्लेख छ।
यसका साथै मेलामा सहभागी हुने ग्राहकहरूले सबैभन्दा उत्कृष्ट एक्सचेन्ज भ्यालुएसन र उत्कृष्ट फाइनान्स सुविधा समेत पाउने कम्पनीले जनाएको छ। अवलोकन र टेस्ट ड्राइभको लागि इच्छुक ग्राहकहरूले मेला अवधिभर भृकुटीमण्डपमा उपस्थित भई गाडीहरूको प्रत्यक्ष अवलोकन, टेस्ट ड्राइभ, एक्सचेन्ज भ्यालुएसन तथा फाइनान्स सम्बन्धी परामर्श लिन सक्ने बताइएको छ।
प्रतिक्रिया दिनुहोस्