काठमाडौं । नेपाली बजारमा आज सुनचाँदीको मूल्य बढेको छ। बुधबार तोलामा ३३ सय रुपैयाँले घटेको सुनको मूल्य आज प्रतितोला १८ सय रुपैयाँले बढेको हो।
नेपाल सुनचाँदी व्यवसायी महासंघका अनुसार बिहीबार एक तोला सुन दुई लाख ९३ हजार आठ सय रूपैयाँमा किनबेच भइरहेको छ। अघिल्लो कारोबार दिन सुन प्रतितोला दुई लाख ९२ हजार रूपैयाँ तोकिएको थियो ।
यस्तै, बिहीबार चाँदीको मूल्य पनि ९० रूपैयाँ बढेको छ। बुधबार प्रतितोला चार हजार नौ सय ६० रूपैयाँमा खरिदबिक्री चाँदी आज तोलाको पाँच हजार ५० रूपैयाँमा किनबेच भइरहेको महासंघले जनाएको छ।
अन्तर्राष्ट्रिय बजारमा आज सुन प्रतिऔंस चार हजार पाँच सय ४० अमेरिकी डलरमा कारोबार भइरहेको छ।
प्रतिक्रिया दिनुहोस्