शेयर बजारले पत्याएन बजेट, सुरुवातमै १७ अंकको गिरावट

काठमाडाैं । बजेट पछिको पहिलो कारोबारमा शेयर बजारमा गिरावट आएको छ। शुक्रबार सार्वजनिक बजेट वक्तव्यले पूँजी बजारका विभिन्न विषयमा सम्बोधन गरेको भए पनि सुरुवातमा बजार घट्दा बजेटप्रति शेयर बजार निरश देखिएको हो ।

विज्ञापन

बजेटले लामो समयदेखि लगानीकर्ताहरुले उठाउँदै आएको पूँजीगत लाभकरलाई अन्तिम कर बनाएको छ । बजेटले सूचीकृत कम्पनीको धितोपत्र विक्री गर्दा लाग्दै आएको पुँजीगत लाभकर अन्तिम हुने व्यवस्था रहेको छ । तर, आर्थिक विद्येयकमा भने शेयर खरिद विक्रि गर्दा पाँच प्रतिशत तिर्दै दिर्घकालीन लगानीकर्ता पाँच प्रतिशत तिर्दै आएको लाभकरलाई अब ७ प्रतिशत र अल्पकालीन लगानीकर्ताले तिर्दै आएको ७ प्रतिशतलाई बढाएर १० प्रतिशत कायम गरेको उल्लेख छ ।

जसको कारण बजेटमा घटाए पनि विद्येयकमा कर बढाइएको लगानीकर्ताको भनाई छ ।
अर्थमन्त्ती डा. वाग्लेले भने कर नबढाइएको दाबी पत्रकारसम्मेलन मार्फत गरेको थिए । उनले लगानीकर्ताको मागलाई नै सम्बोधन गरेको दाबी थियो । यो समाचार तयारहुँदा सम्म नेप्से सूचक १७.३१ अंकले घटेर दुई हजार ७६४.७८ विन्दुमा आइपुगेको छ । भने ४२ करोड २२ लाख रुपैयाँको कारोबार भएको छ । लगानीकर्ता माइक्रो इन्स्योरेन्समा आकर्षण देखिएको छ ।