काठमाडौं । नेपाली बजारमा आज सुन–चाँदीको भाउ ह्वात्तै बढेको छ।
बिहीबार तोलामा ५५ सय रुपैयाँले घटेको सुनको मूल्य शुक्रबार एकैदिन ५६ सय रूपैयाँ बढेको हो। नेपाल सुनचाँदी व्यवसायी महासंघका अनुसार आज सुन प्रतितोला दुई लाख ९० हजार ६ सय रूपैयाँ तोकिएको छ। अघिल्लो कारोबार दिन सुन प्रतितोला दुई लाख ८५ हजार रूपैयाँमा कारोबार भएको थियो।
यस्तै, आज चाँदीको मूल्य पनि एक सय ७५ रूपैयाँले बढेको छ। आज चाँदी प्रतितोला पाँच हजार ४० रूपैयाँमा तोकिएको महासंघले जनाएको छ। बिहीबार चाँदी तोलामा चार हजार आठ सय ६५ रूपैयाँमा कारोबार भएको थियो ।
अन्तर्राष्ट्रिय बजारमा आज सुन प्रतिऔंस चार हजार पाँच सय १२ अमेरिकी डलरमा कारोबार भइरहेको छ।
प्रतिक्रिया दिनुहोस्