काठमाडौं । नेपाली बजारमा आज सुन–चाँदीको भाउ बढेको छ। सोमबार तोलामा दुई सय रूपैयाँ घटेको सुनको भाउ मंगलबार प्रतितोला चार सय रूपैयाँ बढेको हो।
नेपाल सुनचाँदी व्यवसायी महासंघका अनुसार आज एक तोला सुनको मूल्य तीन लाख ११ हजार तीन सय रूपैयाँमा कायम भएको छ । अघिल्लो दिन सुन प्रतितोला तीन लाख १० हजार नौ सय रूपैयाँमा कारोबार भएको थियो।
यस्तै, आज चाँदीको मूल्य पनि प्रतितोला ५० रूपैयाँले उकालो लागेको छ। महासंघका अनुसार मंगलबार चाँदी प्रतितोला पाँच हजार ४०५ रूपैयाँमा किनबेच भइरहेको छ। सोमबार चाँदी तोलाको पाँच हजार ३५५ रूपैयाँमा कारोबार भएको थियो ।
अन्तर्राष्ट्रिय बजारमा आज सुन प्रतिऔंस चार हजार पाँच सय १७ अमेरिकी डलरमा कारोबार भइरहेको छ।
प्रतिक्रिया दिनुहोस्