दोहोरो अंकले घट्यो नेप्से, बढ्यो कारोबार

 काठमाडाैं। साताको पहिलो कारोबार दिन आइतबार नेप्से परिसूचक दोहोरो अंकले घटेर २ हजार ६२९.८९ विन्दुमा आइपुगेको छ ।
नेप्से सूचक निरन्तर घटिरहेको छ । नयाँ गभर्नर नियुक्त भएदेखि नै नेप्से सूचक निरन्तर घटिरेहेको हो । यो दिन नेप्से सूचक घटेपनि कारोबार रकम भने बढेको छ । धितोपत्र र ऋणपत्रगरी कारोबारमा आएका १ करोड ९९ लाख कित्ता शेयर किनबेचहुँदा ९ अर्ब १३ करोड रुपैयाँको कारोबार भएको छ ।

८६ वटा कम्पनीको शेयर मूल्य बढ्दा १६२ वटा कम्पनीको शेयर मूल्य घटेका छन् । सर्वाधिक कारोबार हुने कम्पनीमा राधि विद्युत कम्पनी,युनिर्भसल पावर कम्पनी, न्यादी ग्रुप पावर, बुटवल पावर कम्पनी रहेको छ । रिभरफल्स पावर,पियोर इनर्जी,चमेली हाइड्रो पावर कम्पनी,च्याङ्दी हाइड्रो पावर र हिमालयन पावर पार्टनरको शेयर मूल्य ७.९५ प्रतिशतले बढेको छ । घटेको बजारमा ओम मेगाश्री फार्मास्यूटिकल्स, नेपाल माइक्रो इन्स्योरेन्स, समाज लघुवित्त वित्तीय संस्था, ग्रेस्ट माइक्रो लाइफ इन्स्योरेन्सको शेयर मूल्य ६.८० प्रतिशतले घटेको छ ।

 

प्रतिक्रिया दिनुहोस्