काठमाडाैं । शेयर बजारमा बैंक तथा वित्तीय संस्थाको शेयर हिस्सा सबैभन्दा बढी रहेको छ ।
तर, केही वर्षदेखि बैंक तथा वित्तीय संस्थाको हिस्सा स्थिर रहँदा जलविद्युत क्षेत्रको हिस्सा पुँजी बजारमा बढ्दै गएको तथ्यांकले देखाउँछ । बढ्दो जलविद्युत क्षेत्रको लगानीले पनि यो क्षेत्रमा पूँजी बजारको हिस्सा बढाउँदै लगेको हो । धितोपत्र बोर्डमा अझै जलविद्युत समूहको साधारण शेयर निष्कासन अनुमतिको पर्खाईमा पाउनेको संख्या धेरै रहेको छ ।
धितोपत्र बजार पुँजीकरणमा पनि बैंक तथा वित्तीय संस्था र बीमा कम्पनीको हिस्सा सबैभन्दा धेरै ५०.७ प्रतिशत रहेको छ । जलविद्युत् कम्पनीको हिस्सा १७.५ प्रतिशत, उत्पादन तथा प्रशोधन उद्योगको ८.८ प्रतिशत, अन्य समूहको ८.३ प्रतिशत, लगानी कम्पनीको ६.९ प्रतिशत, व्यापारिक संस्थाको ४.६ प्रतिशत र होटल समूहको हिस्सा ३.३ प्रतिशत रहेको छ ।
नेपाल स्टक एक्सचेन्ज लिमिटेडमा सूचीकृत कम्पनीहरूको संख्या २९४ पुगेको छ । अघिल्लो वर्ष २०८२ वैशाखमा यस्तो संख्या २७१ रहेको थियो ।
सूचीकृत कम्पनीमध्ये सबैभन्दा धेरै बैंक तथा वित्तीय संस्था र बीमा कम्पनी १३३ रहेका छन् । त्यसपछि जलविद्युत् कम्पनी १०३, उत्पादन तथा प्रशोधन उद्योग २८, होटल ९, लगानी कम्पनी ७, व्यापारिक संस्था ४ र अन्य समूहका कम्पनी १० रहेका छन् ।
प्रतिक्रिया दिनुहोस्