काठमाडौं । औद्योगिक क्षेत्र व्यवस्थापन लिमिटेडले लामो समयदेखि भाडा तथा महसुल नतिर्ने ६३ उद्योगको पानी र बिजुलीको लाइन काटेको छ।
बुधबारदेखि देशभरका १०औद्योगिक क्षेत्रका उद्योगमाथि कारबाही सुरु गरेको लिमिटेडले लाइन काट्न थालेकै दिन बक्यौता रहेका उद्योगहरूबाट करिब १० करोड रुपैयाँ असुल गरेको छ।
लाइन काटिनेमा सबैभन्दा धेरै बालाजु औद्योगिक क्षेत्रका २४ वटा उद्योग, हेटौंडा औद्योगिक क्षेत्रका १३ वटा, पाटन औद्योगिक क्षेत्रका ७ ओटा, पोखरा औद्योगिक क्षेत्रका ५ ओटा, बुटवल र भक्तपुरका ४/४ वटा नेपालगञ्ज र अन्य स्थानका थप ६ ओटा रहेका छन् ।
औद्योगिक क्षेत्र व्यवस्थापनका अनुसार बक्यौता तिरेपछि बालाजु,पोखरा र नेपालगञ्जका ८ उद्योगको लाइन पुनः जडान गरिएको छभने बक्यौता चुक्ता नगर्ने बाँकी ५५ उद्योगको सेवा ठप्प छ।
लिमिटेडका अनुसार बिहीबार पनि बक्यौता नतिर्ने अन्य उद्योगमाथि लाइन काट्ने कारबाही जारी रहनेछ।
प्रतिक्रिया दिनुहोस्