काठमाडौं । ललितपुरको इमाडोलस्थित एक घरमा भएको आगलागी नियन्त्रणमा आएको छ। मंगलबार साँझ महालक्ष्मी नगरपालिकाको कृष्णमन्दिर चोक नजिकै रहेको एक घरमा आगलागी हुँदा उक्त घरको दुई तलामा क्षति पुगेको छ । आगलागी भएको घरमा माथिल्लो तल्लामा डेन्टल र तल्लो तल्लामा रंग पसल रहेको छ।
जिल्ला प्रहरी परिसर ललितपुरका सूचना अधिकारी एवं प्रहरी उपरीक्षक नरहरि रेग्मीका अनुसार महालक्ष्मी नगरपालिका–१ इमाडोलको रंग पसलमा साँझ करिब सात बजेको समयमा आगलागी सुरु भएको हो।
जिल्ला प्रहरी र दमकलसहितको टोलीले आगलागी नियन्त्रणमा लिइसकेको छ। विद्युत सर्ट भएर आगलागी भएको प्रहरीको प्रारम्भिक अनुसन्धानमा खुलेको छ। क्षतिको विवरण संकलन भइरहेको प्रहरीले जनाएको छ ।
प्रतिक्रिया दिनुहोस्