काठमाडौं । नेपालको सर्वाधिक विश्वासिलो जीवन बीमा कम्पनी नेपाल लाइफ इन्स्योरेन्सले बिहीबार ‘छुट्ला है, छुट’ योजना ल्याएको छ ।
यो योजना अन्तर्गत कम्पनीले साढे तीन महिनामा बीमितहरुलाई बीमाशुल्क नविकरण गर्दा ५० प्रतिशत छुटको व्यवस्था गरेको जनाएको छ ।
‘बीमितहरुले भुक्तानी गर्नुपर्ने नविकरण बीमाशुल्क भुक्तानी नगरि १८० दिन भन्दा माथि व्यतित भएका बीमालेखहरुमा मिति २०८१/११/१५ देखि २०८२/०२/१३ गते सम्म नविकरण बीमाशुल्क भुक्तानी गरी सुचारु गरेमा बीमालेख नविकरण गर्दा लाग्ने विलम्ब शुल्कमा ५० प्रतिशत छुट प्रदान गरिने छ’ कम्पनीले भनेको छ ।
कम्पनीका प्रमुख कार्यकारी अधिकृत प्रवीण रमण पराजुलीले कम्पनी २५ औं वर्षमा प्रवेश गर्दै गरेको अवसरमा यो आकर्षक योजना सार्वजनिक गरेको बताए । उनले बीमितहरूको हितलाई मध्यनजर गर्दै एक पटकको लागि योजना सार्वजनिक गरिएको उल्लेख गरे ।
उनले बीमालेखहरुको नविकरण बीमाशुल्क भुक्तानी गरी बीमालेख नविकरण गर्दा लाग्ने विलम्ब शुल्कमा ५० प्रतिशत छुटको लाभ उठाउन आग्रह गरे ।
प्रतिक्रिया दिनुहोस्