काठमाडौं । नेपाल–भारत आर्थिक तथा व्यापारिक सम्बन्धलाई थप सुदृढ बनाउने उद्देश्यले नेपाल–भारत उद्योग वाणिज्य संघ (निक्की) र हाउस अफ राजकर्णिकारबीच समझदारी भएको छ ।
मंगलबार निक्कीको सचिवालयमा आयोजित एक कार्यक्रममा संघका महासचिव राजन शर्मा र हाउस अफ राजकर्णिकारकी प्रबन्ध निर्देशक मिनू राजकर्णिकारले समझदारीपत्रमा हस्ताक्षर गरेका हुन् । यस सहमतिसँगै भारतको वाराणसीमा आयोजना हुन लागेको ‘फुड एण्ड बेभरेज तथा हस्पिटालिटी बी–टु–बी ट्रेड शो’ का लागि निक्की आधिकारिक इन्डस्ट्री पार्टनर बनेको छ ।
यस सहकार्यले नेपाल र भारतका खाद्य, पेय पदार्थ, पर्यटन तथा आतिथ्य क्षेत्रका व्यवसायीहरूबीच प्रत्यक्ष व्यापारिक सम्पर्क विस्तार गर्न, सीमापार व्यापार बढाउन र निजी क्षेत्रको सहकार्यलाई थप मजबुत बनाउन महत्वपूर्ण भूमिका खेल्ने विश्वास गरिएको छ।
प्रतिक्रिया दिनुहोस्