काठमाडौं । ज्योति विकास बैंक लिमिटेडले काठमाडौं नयाँबजारस्थित ‘डेकोर प्लेस’मा बैंकका ग्राहकहरूलाई विशेष छुट प्रदान गर्ने गरी सम्झौता गरेको छ।
सम्झौतापश्चात्, ज्योति विकास बैंकका ग्राहकहरूले उक्त फर्निचर शोरुममा १५ प्रतिशत छुट पाउने छन् ।
‘डेकोर प्लेस’मा घर तथा अफिसहरुको लागि आवश्यक सम्पूर्ण फर्निचर, सोफा, कार्पेट लगायतका विभिन्न गुणस्तरीय सामाग्री उपलब्ध छन्।
बैंकले ग्राहकहरूको सुविधालाई ध्यान दिँदै विभिन्न व्यवसायीसँग निरन्तर सहकार्य गरी आफ्ना ग्राहकहरूलाई विशेष छुट र सुविधा प्रदान गर्दै आइरहेको छ। बैंकले यसअघि नगरकोटस्थित क्लब हिमालयन र होटल हिमाललयन भिल्लामा १० प्रतिशत सम्मको विशेष छुट प्रदान गर्ने गरी सम्झौता गरेको थियो ।
ज्योति विकास बैंकले उपत्यका र उपत्यकाबाहिर गरी हाल १२१ शाखा कार्यालय, ३ विस्तारित काउन्टर तथा ७५ वटा एटीएम मार्फत बैंकिङ्ग सेवा उपलब्ध गराउँदै आइरहेको छ ।
प्रतिक्रिया दिनुहोस्